محترم حضرت حکیم صاحب السلام علیکم! ماشاء اللہ آپ کی خدمات روحانی اور طبی حوالہ سے بہت اہم ہیں‘ اللہ تعالیٰ آپ کی محنت کو قبول فرمائے اور مزید ترقی نصیب فرمائے۔
میرے پاس چند آزمودہ طبی فارمولے ہیں جو میں قارئین عبقری کی نذر کرتا ہوں۔
تبخیرمعدہ کا سوفیصد علاج!تین انتہائی آزمودہ نسخہ جات
ہمارے معاشرے میں نوے فیصد انسان اس مرض کا شکار ہیں‘ سوفیصد مفید مجرب نسخہ عبقری قارئین کیلئے حاضر ہے۔
ھوالشافی: طباشیراصلی چھ ماشہ‘ الائچی خورد چھ ماشہ‘ مروارید خالص تین ماشہ‘کہرباشمعی چھ ماشہ‘ کوزہ مصری پانچ گنا سفوف بنائیں۔ مقدار خوراک: دو ماشہ بعد از غذا صبح و شام
نسخہ نمبر2۔ عبقری دواخانہ کی خون صفاء لکھی گئی ترکیب کے مطابق استعمال کریں۔
نسخہ نمبر3: خمیر گاؤزبان عنبری چھ ماشہ‘ کشتہ مرجان جواہر والا دو چاول ملا کر عصر کے وقت استعمال کریں۔ یہ ایک ایسا علاج ہے کہ دو ہفتہ بھر کھانے کے بعد پھر اس مرض کا دورہ زندگی بھر دوبارہ نہیں پڑتا۔ یقینی اور آخری علاج ہے۔ استعمال کریں اور طب یونانی کو داد دیں‘ اپنی دعاؤں میں یاد رکھیں۔
سوزاک کیلئے ایک ہی خوراک کافی ہے! سینکڑوں بار کا آزمودہ ہے
مجرب اور آزمودہ نسخہ حاضر خدمت ہے۔ھوالشافی: روغن صندل چھ ماشہ‘ الائچی خورد چھ ماشہ‘ لوبان کوڑیا چھ ماشہ‘ تخم قنب چھ ماشہ‘ تمام ادویہ کو باریک کریں اور ایک پاؤ گوشت بکرا جس میں مرچ مصالحہ خوب ڈالے گئے ہوں اور خوب گھی ڈالا ہو‘ پکائیں۔ آدھا گوشت سوزاک کے مریض کو کھلائیں اور گوشت کھانے کے نصف گھنٹہ کے بعد در ج بالا دوائی کی پوری مقدار مریض کو کھلا دیں۔ اس کے آد ھ گھنٹہ کے بعد باقی گوشت بھی کھلادیں۔ بس ایک ہی خوراک سے سوزاک ختم ہوگا۔ سینکڑوں بار کا آزمودہ ہے۔
سوزاک کہنہ و جدید اور پس سیل کیلئے انتہائی مجرب نسخہ
ھوالشافی : کہرباشمعی ایک تولہ‘ کباب چینی ایک تولہ‘ ست گلو ایک تولہ‘ الائچی خورد ایک تولہ‘ سنگجراحت ایک تولہ‘ جفت بلوط نو ماشہ‘ رال سفید چھ ماشہ‘ ورق نقرہ دو ماشہ‘ کشتہ قلعی پارے والاتین ماشہ‘ روغن صندل ایک تولہ‘ تمام ادویات باریک کرکے ورق ملا کر غبار کریں‘ بعد میں کشتہ اور روغن صندل ملائیں۔ خوراک: تین ماشہ صبح وشام‘ ہمراہ شربت بزوری چار تولہ پانی کا گلاس ملا کر لیں۔فوائد: یہ سوزاک جدید و کہنہ میں مفید ہے۔ پہلی خوراک سے ہی پیپ ‘ خون او رٹیس کو افاقہ ہوتا ہے۔ پس سیل کیلئے بھی مجرب ہے۔ آج کل یہ مرض عام ہے۔ ہر رپورٹ میں آرہا ہے۔(حکیم حافظ محمد ارشد زبیر‘ سرگودھا)